السلام عليكم ورحمة الله وبركاتة
معاك عمر هشام صاحب قناه twaحel mo علي اليوتيوب بقدم نصايح للمقبلين عن الجيش
فلندخل في موضوع التدوينة ,, متابعة للتدوينة السابقة وكانت يوم سماع الإرجاء دلوقتي انت سمعت الإرجاء ونزلت عسكري (مجند) الحمدلله نخش علي الجاي بقا التقيل أوي وهو يوم سماع السلاح في الجيش.
ما هو يوم سماع السلاح في الجيش
هو اليوم الهتعرف فيه سلاحك هيكون اي البيكون بناءا عليه خدمتك هتكون تبع سلاح اي في الجيش اليوم دا بيكون يوم مهم جدا بيكون ذو اثر كبير جدا في حياتك في الجيش في فترتك السنة او السنو ونصف او السنتين او 3 سنين خلاص انت هتكون خدمتك تبع السلاح الهتسمعة في اليوم دا.
احداث اليوم
يبدأ اليوم من السابعة صباحا يفضل طبعا انك تروح من بدري كالعادة زية زي الكشف الطبي وزي يوم سماع الإرجاء بالظبط ونبدأ أحداث اليوم الطويل جدا ونبدأ أول مرحلة مرحلة الإنتظار وهي انك بتقعد ساعات طويلة في إنتظار البدأ في المناداه بالمايك لكل شخص ومعرفة سلاحة البيحصل كالأتي وهي ان بيتم في البداية المناداه علي اسم السلاح وليكن سلاح الداخلية بعدها يتم المناداه علي أسماء كل الأسماء التي يتم المناداه عليها تخص سلاح الداخلية الي ان يتم تغيير السلاح كدا الداخلية خلصت نخش علي سلاح غيرة وهكذا الا ان يتم مناداه جميع الأسماء ملاحظة الأسماء التي يتم المناداة عليها ليست أسماء الحضور الموجودين فقط ولكن هي كل أسماء الناس الدخلو السلاح البيتم المناداة عليه داخل حدود المنطقة او المحافظة حتي وان لم يكن موجود فيجب اليقظة التامة لان الاسماء بيتم المناداة عليها مرة واحدة فقط اثناء المناداة فيجب اليقظة التامة
ستتفاجى في هذا اليوم انك تسمع أسماء اسلحة عمرنا ما سمنا اسمها زي حرب كيماوية والكترونية وتخصص الأسلحة بيكون اقرب الي الكليات حتي انك هتلاقي اغلب كليتك معاك في نفس السلاح اختلاف توزيعته جوا السلاح طبعا لكن الغالبية العظمي الكليات بيكون نفس السلاح.
شوية حاجات هتفرق معاك جدا وهتدعيلي
- لو مسمعتش اسمك اثناء المناداه عادي جدا الهتعملة انك هتنتظر للأخر خالص وبعدين هيسألو المسمعش اسمة وياخد منك ورقة 110 ويبحث عن سلاحك عشان تتأكد وتطمن
- حاول انك تحضر شنطتك وتكون جاهزة قبل سماع السلاح السبب انك لو دخلت حربية هتتوزع تاني يوم فتكون محضر حاجتك أفضل وان كنت داخلية فهتتوزع بعد أسبوع من سماع السلاح
- لو عندك اي حاجة بتشتكي منها قبل ما تسمع السلاح بتخش غرفة انت وزمايلك علي دفعات ومعاكو دكتور وبيسألكو لو حد بيشتكي من حاجات معينة او عاوز يعمل تظلم فا حابب قولة كل البتشتكي منه
- لو معرفتش تروح في المعاد بتاع سماع السلاح لسبب شخصي مرض او شئ من هذا القبيل فعادي ممكن تروح تاني يوم مفيش مشكلة طالاما تاني يوم علي طول
- في بعض الناس بيكونو عارفين سلاحهم قبل ما يروحو يسمعو السلاح فيقوم يقولو مش هنروح لأننا عارفين لكن لازم تروح تسمع سلاحك حتي لو عارف لسببين الاول انك بتديلهم ورقة 110 بتاعتك السبب الثاني ان في ناية اليوم بتعرف تعليمات سلاحك وهي الأهم في يوم سماع السلاح
- طبعا التليفون بتاعك ممنوع تدخل بيه لسماع السلاح
إرسال تعليق